ရာဇာဓိရာဇ် အရေးတော်ပုံကျမ်း

စာအုပ်အမည် - ရာဇာဓိရာဇ် အရေးတော်ပုံကျမ်း

ရေးသူ - နိုင်ပန်းလှ

အုပ်ရေ - ၂ဝဝဝ (ဒုတိယအကြိမ်)

ထုတ်ဝေသည့်ခုနှစ် - ၁၉၉၇ ခုနှစ် ၊ မတ်လ

တန်ဖိုး - ၄၅ဝ ကျပ်

ပုံနှိပ်တိုက် - မြဝတီစာပေတိုက်

“သမိုင်းလေ့လာတဲ့ လူတိုင်း အထောက်အထားစုံအောင် ရချင်တယ်။ မွန်-ဗမာ ဆက်ဆံရေးမှာ မွန်အထောက်အထားတွေ သိပ်ရချင်တယ်။ ဘာလို့လဲဆိုတော့…. တချို့ အရေးကြီးတဲ့ ကိစ္စတွေကို မွန်ကတမျိုး၊ ဗမာက တမျိုး ပြောနေကြလို့ပါပဲ။ ဒီလို ပြဿနာပေါ်တိုင်း မှတ်တမ်းအထောက်အထားများလေ ကောက်ချက်ချရတာ လွယ်လေဖြစ်တယ်။ ဆိုချင်တာက မွန်အမှတ်အသား ပေါ်ထွက်လာတိုင်း ဗမာ့သမိုင်း လေ့လာသူတွေ ဝမ်းသာကြတယ်။ ဆရာနိုင်ပန်းလှက အခု တအုပ်ရေးထုတ်လိုက်တော့ ကျနော်တို့အားလုံး သူ့ကို ကျေးဇူးတင်ကြပါတယ်” ဤကား သမိုင်းပါမောက္ခ ဒေါက်တာသန်းထွန်း၏ ရာဇာဓိရာဇ် အရေးတော်ပုံကျမ်း စာအုပ်၏ အမှာစာတွင် ၁၉၇၇ ခုနှစ်က ရေးသားခဲ့ခြင်းဖြစ်၏။

ဒေါက်တာ နိုင်ပန်းလှက ကျိုက်မရောမြို့နယ် ကော့ဗိန်းရွာ ဇာတိသားဖြစ်၏။ မွန်အမျိုးသားပညာရှင် တဦးဖြစ်သည်။ ဒုတိယကမ္ဘာစစ်ကြီးအတွင်း ဇာတိရွာတွင် မွန်အမျိုးသားကျောင်းအား တည်ထောင် ဖွင့်လှစ်ခဲ့သည်။ ထိုမှ နှစ် ၄ဝ ကျော် နိုင်ငံ့ဝန်ထမ်း တာဝန်ထမ်းဆောင်ခဲ့၏။ အသက် ၇ဝ ဝန်းကျင်ရောက်မှ အမေရိကန်နိုင်ငံ တက္ကသိုလ်များမှ P.HD, LLB ပါရဂူဘွဲ့များအား ရယူခဲ့သည့် ပညာရှင်ဖြစ်သည်။

ကျမ်းရင်းက မွန်ဘာသာနှင့် ရေးသားထား၏။ တောင်ငူခေတ် ဘုရင့်နောင် ကျော်ထင်နော်ရထာ လက်ထက်၌ အမတ်ကြီး ဗညားဒလမှ မွန်ဘာသာမှ မြန်မာဘာသာသို့ ပထမအကြိမ် ပြန်ဆိုခဲ့၏။ ယခု ဒေါက်တာ နိုင်ပန်းလှက ဒုတိယအကြိမ် မြန်မာဘာသာသို့ပြန်ဆိုခြင်းဖြစ်၏။ ၁၉၇၇ ခုနှစ်တွင် ပထမအကြိမ် ထုတ်ဝေခဲ့၏။ ယချှုစာအုပ်မှာ ဒုတိယအကြိမ် ထုတ်ဝေခြင်းဖြစ်သည်။ ဘာသာပြန်မှု ကိစ္စနှင့် ပတ်သက်၍ စိစစ်ရေး စံချိန် ၂ ချက်ရှိ၏။ ဘာသာပြန်ဆိုသူသည် ကျမ်းစာအုပ်၏ မူရင်းဘာသာဗေဒတွင် ကျွမ်းကျင်မှု ရှိရမည်။ ပြီးလျှင် ဘာသာပြန်ဆိုမည့် ဘာသာဗေဒတွင်လည်း ပိုင်နိုင်ရမည်။ ထို့နောက် ပြန်ဆိုသည့် အကြောင်းအရာအပေါ်တွင်လည်း ပိုင်နိုင်ရမည်။ ထို့နောက် ပြန်ဆိုသည့် အကြောင်းအရာအပေါ်တွင်လည်း နှံ့စပ်ရမည်။ ဤအချက် စံနှုန်းများနှင့် ပြည့်စုံပါမှ ဘာသာပြန်မှုသည် ကောင်းမွန်ပြည့်စုံသည်ဟု ဒေါက်တာသန်းထွန်းက ဆို။ ဒေါက်တာ နိုင်ပန်းလှက ဤစံနှုန်းများနှင့် ပြည့်စုံသူဖြစ်၏။